Giakusahan ni US President Donald Trump ang mga Democrats nga nanghinaot nga mapildi ang Estados Unidos sa ilang military conflict batok sa Iran.
Matud ni Trump, gigamit sa mga Democrats ang maong panagbangi aron puohon ang Republican Party, ang partidong iyang girepresentahan.
Una nang miingon si Trump nga dili angay tawgon nga “gubat” ang panagbangi tali sa US ug Iran, kundili usa lamang ka military conflict.
Gipaminos usab ni Trump ang kapasidad sa Iran sa pag-atubang sa pag-atake sa US, ug miingon nga kaya sa Amerika nga pildihon kini nga dili daghang kinabuhi sa mga Amerikano ang mabutang sa peligro.
Nasayran nga subling gisugdan sa US ang pag-atake batok Iran human sa mga pag-atake nga giingong gihimo sa Iran batok sa mga barkong moagi sa Strait of Hormuz.