Gikuwestiyon sa House prosecution panel ang pag-apruba sa mga kontrata sa GenCorp Industries sa Davao City atol sa pagtestigo ni Mayor Sebastian “Baste” Duterte sa impeachment trial ni Vice President Sara Duterte.
Matud ni house prosecution panel Rep. Rene Co, adunay mga pangutana sa proseso sa pag-award sa mga kontrata tungod sa deklaradong business interest sa bise presidente sa GenCorp. Giingon usab nga nahibalo si Mayor Baste sa iyang katungdanan isip head of the procuring entity sa siyudad.
Gihatagan niini og gibug-aton ang pag-ingon nga walay irregularidad bisan pa sa ilang gipresentar nga mga dokumento bahin sa GenCorp contracts ug sa business interest ni VP Sara.
Gipunting sa prosecution ang Article 7, Section 13 sa Konstitusyon nga nagdili sa presidente ug bise presidente sa pag-apil sa negosyo o pagbaton og financial interest sa mga kontrata sa gobyerno.
Matud niini, mao kini ang hinungdan nganong gipangutana kung giunsa pagkahitabo nga napadayon ang mga kontrata tali sa Davao City government ug GenCorp.
Sa pagtestigo ni Mayor Baste, miingon kini nga dili matud niya tugotan ang mga kontrata kung nahibalo siya nga stockholder si VP Sara sa GenCorp.