Mga petisyon batok sa bag-ong voting threshold gibasura sa Korte Suprema

Gibasura sa Korte Suprema ang mga petisyon batok sa bag-ong voting threshold sa Senate Impeachment Court alang sa impeachment trial ni Vice President Sara Duterte. 

Lakip sa mga nagpetisyon mao sila Atty. Vic Rodriguez, Berteni Cataluña Causing ug Atty. Ernesto Francisco Jr.. Gikuwestiyon nila ang interpretasyon sa Senado sa gikinahanglang two-thirds vote alang sa conviction sa impeachment case.

Apan sumala sa Korte Suprema, kulang sa legal standing ug premature ang mga petisyon nga gisumite sa korte.

Kahinumduman nga niadtong Sept. 24, misumite si atty. Vic Rodriguez og petition for certiorari sa Supreme Court ug gihangyo niini nga ideklarang null and void ang maong ruling tungod kay unconstitutional kini.

Dugang pa ni atty. Rodriguez nga iyang giila nga dunay gahom ang senado nga magbuhat og mga lagda sa impeachment proceeding apan gipamugos niini nga dili lakip sa maong rulemaking sa senado ang amendahan o utrohon ang mismong probisyon sa konstitusyon.