Trillanes gi-awhag ang House Committee sa pagpagawas sa bank records ni VP Sara Duterte ug Atty. Carpio

Giawhag ni kanhi Senator Antonio Trillanes IV ang House Committee on Justice nga dinaliang kuhaon ang bank records ni Vice President Sara Duterte ug sa iyang bana nga si Atty. Mans Carpio.

Kini gisunod human gi-aprubahan ang subpoena duces tecum aron makuha ang mga dokumento.

Sumala ni Trillanes, adunay giingong bilyones nga nakatago sa bank accounts sa magtiayon nga posibleng gikan sa illegal nga droga.

Girekomenda usab niini nga itandi kini sa SALN ni VP Sara sukad sa iyang pagka-bise mayor ug mayor sa Davao City aron masuta kung adunay mga “ill-gotten wealth.”

Ang maong lakang gitan-aw nga mahimong lig-on nga ebidensya kon tukion sa imbestigasyon.