Pormal ug mainitong gihimo sa mga lider ug miyembro sa tribong Higaonon sa Bukidnon ang tradisyunal nga “Pandawat Ritual” (o Tagulambong Hu Untong) sa Mintapod Tribal Tulugan sa Impasug-ong, isip simbolo sa opisyal nga pagdawat ug paghatag og pagsalig sa 8th Infantry Battalion (8IB) sa Philippine Army.
Ang maong kalihokan, nga natunong usab sa ika-18 nga anibersaryo sa Agamihico, nagtinguha sa pagpalig-on sa relasyon ug pagtinabangay sa mga katutubo ug kasundalohan aron mapanalipdan ang kalinaw ug kahusay, seguridad, ug kalamboan sa ancestral domain grupong lumad ning probinsya.
Ilabihan usab ang pasalamat ni 8IB Commanding Officer Lieutenant Colonel George A. Jallorina, uban nilang Datu Laban ug Datu Amay Mantakilan, kinsa nagkahiusa sa paghural nga magtinabangay alang sa kahapsay ug kaayohan sa tibuok komunidad.