Nakumpiska sa hiniusang operasyon sa mga otoridad ang nagkalain-laing smuggled nga sigarilyo nga nagkantidad og Php7,200.00 niadtong Mayo 26, 2026, takna sa alas-11:32 sa buntag sa Purok Lower Sosohon, Barangay Tankulan, Manolo Fortich, Bukidnon.
Ang maong operasyon gipahigayon sa mga personahe sa Manolo Fortich Municipal Police Station sa panguna ni miresulta kini sa pagkasikop sa usa ka 37-anyos nga lalaki ug 35-anyos nga babaye nga lumulupyo sa Barangay Dalirig human kini naaktuhan nga nagbiyahe sa maong mga kontrabando aron i-deliver sa nagkalain-laing tindahan.
Lakip sa mga nakumpiska gikan sa mga dinakpan ang upat ka ream sa SAN MARINO, tulo ka ream sa MODERN, ug duha ka ream sa CANNON nga mga sigarilyo.
Ang mga dinakpan ug ang mga nasakmit nga butang gidala na sa Manolo Fortich MPS alang sa dokumentasyon sa dili pa kini itugyan ngadto sa RHU Manolo Fortich para sa tukmang disposasyon.