Tanggong sa bilanggoan ug walay piyansang gitakda ang korte alang sa temporaryong kaluwasan sa usa ka lalaki human kini malampusong nasakote sa kapolisan isip Top 7 City Most Wanted Person tungod sa kasong kal may kalabutan sa ilegal nga droga dinhi sa siyudad sa Malaybalay.

Giila sa Malaybalay City Police Station ang nadakpan nga si Ramart Alquilita Colasito alyas “Reymart”, 31 anyos, ulitawo, ug residente sa Purok Singko (5), Barangay Nuybe (9) ning siyudad. Gisilbi sa mga operatiba ang iyang warrant of arrest pasado alas-nuybe bente-otso (9:28) sa buntag niadtong Mayo 23 tungod sa seryosong paglapas sa Sections 5 ug 11 sa Republic Act 9165 o ang Comprehensive Dangerous Drugs Act.

Sa pagkakaron, temporaryo nang gipreserba sa kustodiya sa Malaybalay Component City Police Station ang suspetsado alang sa saktong dokumentasyon sa dili pa kini i-turnover ngadto sa korte nga nag-isyu sa iyang warrant.