Nakab-ot sa 48-anyos nga si Tanaboworn Sirikunakornkun gikan sa Thailand, nga mas nailhan sa angga nga “Super Toom,” ang usa ka talagsaong kalampusan human opisyal nga giila sa.
Malampuson siyang mitugpa sa tumoy sa Ojos del Salado sa Chile, nga giila isip labing taas nga aktibong bulkan sa kalibutan.
Nahitabo ang makasaysayang paglukso niadtong Marso 14 diin nalabwan niya ang rekord nga natala kaniadtong 2023.
Gihulagway ni Super Toom, nga usa ka negosyante, propesor sa unibersidad, ug opisyal sa Thai Parliament diin nga sama matud sa usa ka balangaw o rainbow ang katahum sa bulkan kung tan-awon gikan sa taas tungod sa nagkadaiyang kolor sa mga mineral niini.
Nagsugod lamang siya og skydive niadtong 2024 apan dali niyang natigom ang kapin 1,250 ka paglukso sa wala pa niya nahimo ang maong world record isip paghatag dungog sa iyang nasud.
Matud ni Super Toom, mibati siya og kalinaw ug kalipay sa tibuok niyang paglukso pinaagi sa suporta sa mga grupo nga mitabang sa iyang kaluwasan.
Naglaum usab siya nga ang iyang istorya mahimong inspirasyon sa tanan aron dili tamayon ang ilang mga damgo.
Matud ni Super Toom, nga ang matag tawo adunay kaugalingong kusog aron mahimong “Super” sa ilang kaugalingong paagi basta adunay determinasyon, dedikasyon, ug disiplina sa kinabuhi.