Target sa House Prosecution Panel nga magpresentar og mga 25 ka testigo sa umaabot nga impeachment trial batok kang Vice President Sara Duterte sa Senado.
Matud ni House Lead Prosecutor ug Batangas 2nd District Representative Gerville Luistro, dili pa mahimong ipadayag sa publiko ang mga pangalan sa mga testigo kay nagpadayon pa ang ilang vetting process.
Apan sigon ni Luistro nga lakip sa posibleng motestigo mao ang mga opisyal gikan sa Department of Education (DepEd) ug Office of the Vice President (OVP).
Tungod sa ilang suod nga relasyon sa Bise Presidente, gilauman sa panel nga magpabilin ang ilang pagpakamatinud-anon, mao nga ipatawag sila isip “hostile witnesses” ubos sa rules of evidence.
Matud sa rekord sa House Committee on Justice, usa sa mga unang mitestigo si Ramil Madriaga, nga nagpaila nga kanhing aide ug giingong bagman ni VP Sara.
Mihimo usab og testimonya ang Anti-Money Laundering Council (AMLC) nga nagreport sa kapin ₱6.7 bilyon nga giingong kadudahang bank transactions ni VP Sara ug sa iyang bana nga si Atty. Manases Carpio gikan 2006 hangtod 2025.
Lakip usab sa mga ebidensya ang gihatag sa National Bureau of Investigation (NBI), apil ang mga authenticated video, acknowledgment receipts, ug mga detalye sa giingong mga hulga nga nalambigit sa Bise Presidente.