Kumpiyansa ang Taiwan nga andam dayon motubag ang ilang militar sa bisan unsang kalit nga pag-atake sa China. Matod sa Taiwan defense ministry, makalihok ang tanang yunit sa militar bisan walay direktiba gikan sa taas, tungod sa ilang decentralized command system.
Ang pahayag misunod sa mga hulga sa China nga posibleng kaliton ang ilang military drills ug himuong aktwal nga combat. Giingon usab sa Taiwan nga misaka ang kadaghan ug lebel sa military activities sa China, lakip ang pagpalapit sa mga barkong pangyera sa Pacifiko.
Dugang pa, giingon sa Taiwan nga adunay klarong mga pamaagi ang ilang militar sa pagpataas sa combat alert level kon i-escalate sa China ang kahimtangan.
Gibalik usab sa Taiwan ang ilang baruganan nga dili sila kabahin sa teritoryo sa China ug ang katawhan lamang sa isla ang adunay katungod sa pagbuot sa ilang kaugmaon.