Gipahibalo sa Billboard nga ang iladong model-actress nga si Cara Delevingne mao ang mopalit og garbo isip presenter sa Global Force Award nga ihatag ngadto sa P-pop sensation nga BINI sa umaabot nga 2026 Billboard Women in Music.
Ang maong prestihiyosong seremonya nagtumong sa paghatag og pasidungog sa mga kababayen-an nga nagpakita og dakong kalampusan sa industriya sa musika ug nahimong ehemplo sa mga kabatan-onan.
Gipasidunggan ang BINI isip usa sa mga Global Force honorees tungod sa ilang makasaysayanong debut sa Coachella Valley Music and Arts Festival, diin sila ang labing unang Filipino girl group nga nakatunob sa maong entablado.
Dugang pa niini, makadawat usab sa samang rekognisyon ang Canadian band nga The Beaches, diin ang Filipino-American star nga si Bella Poarch ang gitahasan nga motunol sa ilang pasidungog.
Gawas kang Delevingne ug Poarch, gilauman usab nga mosalmot isip mga presenter ang dagkong mga ngalan sa industriya sama nilang Brandi Carlile, Ciara, Coco Jones, Dionne Warwick, Eva Longoria, Victoria Monét, Kim Petras, Lainey Wilson, ug Tyla.