Gihinganlan ni Batangas 1st District Representative Leandro Leviste si Executive Secretary Ralph Recto nga mao matud pa ang nagbabag sa gitinguhang pagpasaka sa sweldo sa mga manggagawang Pilipino.
Sa usa ka pamahayag niini, gipadayag ni Leviste nga napasa na matud pa ang sugyot balaodnon nga umento sa suholan sa katapusang adlaw sa ika-19 nga Kongreso, apan wala kini madayon human matud pa nanginlabot ug gibabagan sa mga economic managers, partikular na si Ralph Recto.
Matud sa mambabalaod, ang pagsupak ni Recto ang rason ngano wala maaprubahi ang bicameral conference committee report alang sa minimum wage increase.
Subay niini, wala pay gipagawas nga pamahayag ni Recto Executive Secretary Ralph Recto, samtang hugot ang panawagan sa publiko alang sa pagpalabang sa mga sugyot balaodnon alang sa dugang nga suholan sa mga trabahante.
Sa pagkakaron, gibana-baang mukabat na sa kapin 50,000 ka mga kabanay sa sektor sa mamumuo ang nagpahigayon og mga protestang kalihukan ug mga rally aron ipaabot ang mulo sa katawhan sa kagamhanan.