Nahulog sa ika-20 nga dapit sa WTA Finals race ang Pinay tennis star nga si Alex Eala human sa iyang kampanya sa bag-ohay lang nahuman nga Madrid Open.
Bisan pa man sa iyang paningkamot, nakuha ni Eala ang ika-20 nga pwesto gikan sa iyang kanhi ika-15 nga ranking sa “Race to the WTA Finals.” Kini human siya mapildi sa ikaduhang round sa main draw batok sa world no. 27 nga si Sorana Cirstea.
Kahinumduman nga nakahimo og kasaysayan ang 18-anyos nga Pinay human mahimong labing unang Filipina nga nakadaog sa usa ka main draw match sa usa ka WTA 1000 tournament sa dihang iyang gipalagpot si Lesia Tsurenko sa unang round.
Luyo sa pag-usos sa iyang lumba alang sa WTA Finals, gilauman nga mosaka gihapon ang overall world ranking ni Eala tungod sa iyang impresibong gipakita didto sa Madrid. Sa pagkakaron, nagpadayon ang pagpangandam sa batan-ong bitoon alang sa mga sunod pa nga dagkong kompetisyon sa tennis sa tibuok kalibutan.