Nag-atubang sa padayon nga pagsaka sa presyo sa petrolyo ang mga drayber ug operators sa pampublikong transportasyon, nagkadako usab ang ilang kabalaka sa pagkunhod sa ilang kita tungod sa taas nga gasto sa pagpamasada.
Matud sa presidente sa Motorela Federation nga si Marlon Igpit, kung matuman ang gipaabot nga pagsaka sa presyo sa diesel ug gasolina, mas bug-at na alang sa mga drayber ang pagpabilin sa kasamtangang ₱13 nga minimum nga plete.
Tungod niini, gihangyo sa federation nga madugangan og ₱2 ang minimum nga plete, gikan sa ₱13 ngadto sa ₱15. Matud ni Igpit, bisan gamay lamang kini nga dugang, makatabang na sa kita sa mga drayber.
Samtang, nanawagan si Igpit sa gobyerno alang sa pagwagtang sa excise tax sa petrolyo nga dako ang epekto sa kahimtang sa mga drayber.