Imbestigahan sa House Committee on Justice sa giingong wala mapasabot nga bahandi ni Bise Presidente Sara Duterte atol sa hearing niini sa Abril 22.
Sumala sa chairman sa komite nga si Batangas Rep. Gerville Luistro, ang Office of the Ombudsman gilauman nga mopresentar sa gipangayo nga mga kopya sa Statements of Assets, Liabilities and Net Worth (SALN) ni Duterte.
Gawas sa Ombudsman, miluwat usab si Luistro nga ang Securities and Exchange Commission ug ang Bureau of Internal Revenue motambong usab sa hearing aron ipresentar ang mga rekord sa buhis, negosyo, ug uban pang pinansyal nga may kalabotan kang Duterte ug sa iyang bana nga si Manases Carpio.
Atol sa hearing kaniadtong Abril 14, giaprobahan usab sa komite ang usa ka mosyon sa pag-subpoena sa Anti-Money Laundering Council (AMLC) ug kanhi Sen. Antonio Trillanes, kinsa kaniadto miingon nga ang kwarta sa droga nakasulod sa mga account ni Duterte, pipila ka mga miyembro sa iyang pamilya, ug ni Honeylet Avanceña.
Matud usab ni Bicol Saro party-list Rep. Terry Ridon nga ang diskusyon limitado lamang sa pinansyal ug bank accounts ni Duterte ug sa iyang bana ug dili iapil ang ubang miyembro sa pamilyang Duterte tungod kay ang alegasyon gibase lamang sa SALN sa Bise Presidente.