Rollback sa presyo sa diesel posibleng moabot sa P9.50 matag litro sunod semana

Posibleng mukabat  ngadto sa P9.50 ang rollback sa presyo sa diesel matag litro sa umaabot nga semana sumala sa banabana sa industriya sa petrolyo.

Base sa unang upat ka adlaw sa trading karong semanaha, gilauman nga mokunhod ang presyo sa diesel og P7.50 hangtod P9.50 matag litro, samtang ang gasolina mahimong mokunhod og P3 hangtod P5 matag litro.

Matud sa mga tinubdan sa industriya, mikunhod ang presyo sa lana sa kalibutan human sa interim agreement nga gipirmahan sa Estados Unidos ug Iran.

Nakatabang usab ang posibilidad sa pag-abli pag-usab sa Strait of Hormuz ug ang pagbalik sa suplay sa krudo gikan sa Middle East sa pagpaubos sa presyo.