Naningaha ang daghang netizens sa relasyon sa usa ka 22-anyos nga lalaki gikan sa Dominican Republic ug 72-anyos nga Amerikanang milyonarya human kini magpakasal.
Misamot ang atensyon sa publiko tungod sa ilang dul-an 50 ka tuig nga kalainan sa edad.
Nagkabahin ang opinyon sa mga tawo, diin ang uban mitan-aw niini isip gugma nga walay sukod sa edad.
Apan adunay usab mga nagduda nga basin ang bahandi lamang sa babaye maoy hinungdan sa ilang relasyon.
Gisalikway sa magtiayon ang maong mga alegasyon ug miingon nga tinuod ilang pagbati sa usag usa.
Matud sa batan-ong bana, iyang gipabilhan ang personalidad ug pag-atiman sa iyang asawa, dili ang iyang kuwarta.
Samtang ang babaye miingon nga nakasinati siya og tinuod nga pagmahal ug kalipay sa ilang relasyon. Bisan pa sa mga komento ug pagduda sa uban, nagpabilin silang lig-on ug wala magpatarog sa opinyon sa publiko.
Sa pagkakaron, padayon gihapon nga gihisgutan online ang ilang istorya, diin ang uban nagtuo nga ang gugma dili masukod sa edad.