Gisalikwa sa mga abogado ni kanhing Senator Ramon Revilla Jr. ug sa iyang unom ka kauban, nga mga kanhing opisyal sa DPWH Bulacan 1st District Engineering Office, sa plea bargaining sa ilang kaso nga graft.
Ang plea bargaining usa ka proseso sa kriminal nga kaso diin ang akusado mahimong mo-angkon sa sala bayloan og mas gaan nga silot o pagbasura sa uban nga kaso, nga kinahanglan og pagtugot sa biktima, akusado, prosecutor, ug aprubado sa judge nga nagdungog sa kaso.
Gitan-aw sa korte kung ikonsidera ba sa depensa ang plea bargaining, apan negatibo ang ilang tubag.
Sumala sa abogado ni Revilla nga si Atty. Francesca Señga, wala silay plano karon nga mag-file og dugang nga mosyon sa korte.
Kahinumduman, nga gisalikway sa Sandiganbayan ang tanang nag-una nga mosyon nga gi-file sa kampo ni Revilla.