Gihagit ni Navotas Rep. Toby Tiangco ang National Bureau of Investigation (NBI) nga magpadala og senior delegation sa headquarters sa International Criminal Police Organization (Interpol) aron personal nga sundon ang ilang hangyo alang sa red notice batok kang kanhi kongresista Zaldy Co.
Matud ni Tiangco, wala pa motubag ang Interpol sa hangyo nga gisumite niadtong Nobyembre 23, 2025, bisan pa man nga kasagaran sulod ra sa tulo hangtod upat ka semana motungha ang tubag.
Para kaniya, ang maong kalangan nanginahanglan og direktang aksyon gikan sa NBI.
Sumala ni Tiangco nga miangkon ang NBI nga wala sila nasayud ngano nga hangtod karon wala pay tubag ang Interpol sa red notice request alang kang Co.
Gipasiugda ni Tiangco nga kritikal kaayo ang kalangan, kay kung walay red notice, libre nga makalihok si Co ug posible nga makalikay sa mga kasong gipasaka batok kaniya.
Si Co nag-atubang og mga kasong korapsyon ug malversation may kalabutan sa giingong ₱289.5-milyon nga anomalous road dike project sa Oriental Mindoro.
Nag-atubang usab siya og plunder complaints nga gisaka sa NBI.
Dugang pa ni Tiangco, ang red notice makatabang sa pagpugong sa lihok ni Co ug sa pagsubay ug pagbantay sa iyang kahimtang ug lokasyon.
Subay pa niini, nga kinahanglan aktibo ang mga awtoridad, ug kung dili na molihok ang kasagarang follow-ups sama sa tawag ug email, angay na nga personal nga lakang ang buhaton aron makuha ang tubag sa Interpol.