Gihimakak ni kanhi House Speaker Martin Romualdez nga kini ang “utok” sa giingong korapsyon sa flood control projects.
Gibutyag ni Romualdez nga Isip pagpamatuod nga wala kini gitago, gimandoan niini ang iyang staff nga ipakita sa publiko ang listahan sa tanang proyekto sa distrito aron kini masusi ug maberipika sa tanan.
Matud niini, dili kini parte sa budget deliberations sa BiCam ug Small Committee, maong wala kini masayod sa mga detalye sa maong mga panaghisgot.
Gitudlo ni Romualdez si Senador Chiz Escudero ug Representative Zaldy Co nga maoy duna’y dakong papel sa paghimo sa mga desisyon kalabot sa pondo sa nasudnong budget.
Nanawagan usab kini sa Office of the Ombudsman nga sundon ang kamatuoran base sa mga records ug ebidensya, ug dili moundong sa dapit nga “politically convenient” lamang.