Gipahibalo ni Presidente Ferdinand R. Marcos Jr. nga ang gobyerno nagtumong sa paghupay sa kagutom sa nasud pinaagi sa regular nga pag-apod-apod sa bugas sa matag pamilyang Pilipino.
Ang administrasyon nagpasiugda og programa nga maghatag og bugas matag duha ka bulan o unom ka beses sa usa ka tuig para sa matag pamilya.
Sumala sa Presidente, ang iyang damgo mao nga walay Pilipino nga gutumon sukad sa iyang paglingkod sa pwesto.
Gisiguro usab sa administrasyon ang pagpatuman sa mga programa nga makahatag og igong pagkaon ug suporta sa mga pamilyang Pilipino.
Kini nga lakang kabahin sa mas lapad nga kampanya batok sa kakabus ug kagutom taliwala sa mga hagit sa ekonomiya.
Kahinumduman nga usa sa mga nag-unang adbokasiya ni Pangulong Marcos Jr. mao ang seguridad sa pagkaon ug pagpalig-on sa agrikultura.
Ang tumong sa gobyerno mao ang pagsiguro sa padayon nga suplay sa pagkaon para sa tanang sektor sa katilingban.
Gipasiugda sa Presidente nga ang panaghiusa tali sa gobyerno ug sa katawhan hinungdanon aron makab-ot ang usa ka nasud nga walay kagutom.