Nagpasaka ang Office of the Ombudsman sa Sandiganbayan og precautionary hold departure order (PHDO) batok kang Senador Francis “Chiz” Escudero ug negosyanteng si Maynard Ngu, taliwala sa nagpadayon nga imbestigasyon sa giingong maanomalyang flood control projects.
Sumala sa “verified ex-parte application” alang sa travel ban, gibase sa Ombudsman ang ilang lihok sa Section 3, Rule VIII sa 2018 Revised Internal Rules sa Sandiganbayan, nga nagmando sa Bureau of Immigration nga pugngan ang pagbiya sa nasud sa mga indibidwal nga giimbestigahan sa seryosong krimen.
Gina-isyu ang PHDO sa mga kasong adunay minimum penalty nga unom ka tuig ug usa ka adlaw, o kung ang suspek usa ka langyaw pagasilotan kini.
Sa pagkakaron, giimbestigahan sila Escudero ug Ngu sa mga alegasyon sa plunder, graft ug indirect bribery nga may kalabotan sa flood control scandal.
Gi-reffle na sa Sandiganbayan Sixth Division niadtong Sabado, Abril 25, ang hangyo alang sa maong travel ban order.
Kahinumduman nga gibutyag ni kanhi DPWH Undersecretary Roberto Bernardo nga giagi niini kang Ngu ang 20 porsyento sa pondo o mga ₱160 milyon gikan sa ₱800 milyones nga proyekto sa Valenzuela nga giingong para kang Senador Escudero.
Gipanghimakak ni Ngu ang alegasyon, ug lakip usab si Escudero nga wala kini na lakip sa giingong anomalya.