Posibleng moabot sa ₱9.50 hangtod ₱10.00 kada litro ang pagsaka sa presyo sa diesel sa sunod semana, samtang gilauman usab nga mosaka og ₱4.00 hangtod ₱4.50 kada litro ang gasolina sugod Sept. 21.
Kini nga banabana gibase sa unang duha ka trading days sa Mean of Platts Singapore (MOPS) ug sa foreign exchange averages.
Gipahibalo usab sa Department of Energy (DOE) niadtong Martes nga wala pa kini makakita og timailhan nga mohinay ang presyo sa lana, ilabina tungod sa nagkagrabe nga tensyon sa Middle East.
Apan, dili pa pinal ang maong presyo. Mahimo pa kining mausab depende sa dagan sa international oil trading ug exchange rates hangtod matapos ang trading karong semanaha.
Kung matuman ang banabana, mahimong usa kini sa pinakadakong oil price increases sa mga nangaging semana.