BSP, wala pay plano nga ipaubos ang interest rates tungod sa taas nga inflation

Wala pay plano ang Bangko Sentral ng Pilipinas (BSP) nga ipaubos ang interest rates tungod sa padayong pagsaka sa presyo sa mga palaliton.

Matud ni BSP Governor Eli Remolona Jr., magpadayon una ang hugot nga polisiya aron mapugngan ang inflation.

Gibutyag usab sa BSP nga posibleng mosaka hangtod walo ka porsiyento ang inflation sa mosunod nga mga bulan tungod sa mahal nga pagkaon ug enerhiya, gikan sa 7.2 porsiyento niadtong Setyembre.        

Sa pagkakaron, anaa sa 5.50 porsiyento ang benchmark interest rate human kini gipataas og 50 basis points niadtong Oktubre 22.

Gilauman usab nga magdepende sa mosunod nga datos sa ekonomiya ang sunod nga lakang sa BSP.