Nagpadayon ang pagtuon sa NBA sa posibleng pagpalapad sa liga pinaagi sa pagdugang og duha ka bag-ong team sa Seattle ug Las Vegas.
Sumala kang NBA Commissioner Adam Silver, mas daghan ang diskusyon karong semanaha bahin sa Las Vegas, diin adunay pipila ka grupo nga nagpresentar og mga plano alang sa posibleng bag-ong arena.
Gitan-aw usab ang posibilidad nga gamiton o i-renovate ang T-Mobile Arena. Sa Seattle, giingon ni Silver nga positibo ang kahimtang tungod kay anaa na ang Climate Pledge Arena, nga mahimong mag-host og NBA team kung madayon ang expansion.
Apan, wala pa gihapon’y pinal nga desisyon sa pagdugang sa mga team.
Niadtong Marso, giaprobahan sa NBA Board of Governors ang pormal nga pag-explore sa expansion sa Seattle ug Las Vegas.
Gipunting sa liga ang katapusan sa 2026 isip target sa pagdesisyon kung ipadayon ba ang expansion.
Kung madayon, mahimong mosaka gikan 30 ngadto sa 32 ang gidaghanon sa NBA teams, ug posibleng magsugod ang duha ka bag-ong franchise sa 2028-29 season.