Ginasusi na karon sa mga federal investigator sa Estados Unidos ang hinungdan sa pagkapalyar sa ilang air traffic control system nga miresulta sa paghunong sa mga biyahe sa tibuok nasud, diin gitan-aw ang posibleng sayop sa kontratista o depektosong ekipo.
Gibutyag ni US Transportation Secretary Sean Duffy nga nahitabo ang aberya niadtong Biyernes, Nobyembre 13, atol sa pagbalhin sa sistema gikan sa karaang copper wiring ngadto sa fiber-optic lines, diin ang bag-ong gitaod nga router nakamugna og sobrang data traffic nga milumos sa tibuok network.
Tungod sa maong communication outage, gipatuman sa Federal Aviation Administration (FAA) ang nationwide ground stop sulod sa kapin upat ka oras nga nakapahasol sa gatusan ka libo ka mga pasahero. Bisan og nibalik na ang operasyon sa kahanginan niadtong Sabado, nagpadayon pa ang pagbalanse sa mga flight schedules aron hingpit nga mabalik sa normal ang biyahe.

