Opisyal nang gipili ang labing unang Filipina Miss World nga si Megan Young isip usa sa mga hurado sa ikaduhang edisyon sa Miss Grand International (MGI) All Star 2026 nga ipahigayon sa Bangkok, Thailand karong Disyembre 12.
Makig-uban si Young sa panel of judges kauban ang laing Pinay beauty icon nga si Miss Universe 1969 Gloria Diaz, ingon man silang Osmel Sousa, Lu Sierra, Omar Harfouch, Psi Samut Scott, ug MGI 2026 1st Runner-Up Shyare Andrade.
Sa laing bahin, silang Michelle Dee, Alexie Caimoso Brooks, ug Anne Patricia Lorenzo Diaz mao usab ang opisyal nga mga pambato nga magrepresentar sa Pilipinas sa maong internasyonal nga kompetisyon.

