HomeLocal NewsKapin 100 ka kasabutan ug dokumento gipresentar sa pagbukas sa 49th ASEAN...

Kapin 100 ka kasabutan ug dokumento gipresentar sa pagbukas sa 49th ASEAN Summit

- Advertisement -

Gipresentar ni Pangulong Ferdinand Marcos Jr. ang kapin 100 ka outcome documents sa pormal nga pagbukas sa ika-49 nga ASEAN Summit and Related Summits sa Philippine International Convention Center (PICC), isip resulta sa nagkadaiyang negosasyon ug koordinasyon sa mga miyembrong nasod ug partner countries.

Sa iyang pakigpulong, gilatid sa pangulo ang tulo ka prayoridad sa Philippine chairship nga naglakip sa peace and security anchors, prosperity corridors ug people empowerment aron mapalig-on ang ASEAN 2045: Our Shared Future.

Lakip sa mga nag-unang tumong ang pagpalig-on sa maritime cooperation, pagkompleto sa Code of Conduct sa South China Sea subay sa international law, pagpalapad sa ekonomikanhong koneksyon ug pakigbatok sa human trafficking, cybercrime ug online scams.

- Advertisement -

Gipaila usab sa maong kalihokan ang bag-ong bandila ug sagisag sa ASEAN nga adunay 11 ka uhay sa humay, nga nagrepresentar sa 11 ka miyembrong nasod human sa pagdawat sa Timor-Leste isip ika-11 nga miyembro niadtong Oktubre 26, 2025.

Samtang, gikatakdang ipadayon sa mga lider sa ASEAN ang ilang diskusyon kabahin sa panaghiusa, seguridad ug kalamboan sa rehiyon atol sa summit retreat sa Coconut Palace.

- Advertisement -
RELATED ARTICLES
- Advertisment -

MORE NEWS