HomeLocal NewsASEAN ug India, nagpasalig nga palalumon ang estratehikong panag-uban alang sa kalinaw...

ASEAN ug India, nagpasalig nga palalumon ang estratehikong panag-uban alang sa kalinaw ug kalamboan sa rehiyon

- Advertisement -

Gipasalig sa mga lider sa Association of Southeast Asian Nations (ASEAN) ug India ang pagpalig-on sa ilang estratehikong panag-uban aron mapadayon ang kalinaw, kalig-on ug kauswagan sa rehiyon atol sa ASEAN-India Summit nga gipahigayon sa Pilipinas.

Gipasiugda ni Presidente Ferdinand Marcos Jr. ang suporta sa India sa panaghiusa ug sentralidad sa ASEAN, lakip ang pagsunod sa internasyonal nga balaod ug pagpalig-on sa kooperasyon sa maritime security, environmental protection ug blue economy.

Lakip usab sa mga prayoridad sa duha ka partido ang pagpalapad sa patigayon ug pamuhunan, digital infrastructure, cybersecurity, renewable energy, agrikultura, edukasyon, turismo ug disaster management.

- Advertisement -

Samtang, gipadayag ni Indian Prime Minister Narendra Modi nga kapin 100 ka inisyatibo, 250 ka quick-impact projects ug kapin 10 mil ka scholarship ang gilunsad sa India ug ASEAN sukad 2014 aron mapaligon ang ilang relasyon.

Gipasiugda usab ni Modi nga nagrepresentar ang ASEAN ug India sa halos one-fourth sa populasyon sa kalibotan, busa importante ang ilang panaghiusa ug kooperasyon aron matubag ang nagkadaiyang krisis sa kalibotan.

Gisundan kini sa closed-door meeting sa mga lider aron hisgotan ang dugang nga mga lakang sa pagpalalom sa ilang komprehensibong estratehikong panag-uban, samtang gipaabot usab ang pagsagop sa hiniusang pahayag bahin sa disaster preparedness and management.

- Advertisement -
RELATED ARTICLES
- Advertisment -

MORE NEWS