Pormal nang misulod isip mga high-contracting parties sa Treaty of Amity and Cooperation in Southeast Asia (TAC) ang tulo ka mga nasud sa Europe—ang Republic of Cyprus, Slovak Republic, ug Republic of Slovenia—atol sa seremonya sa Manila niadtong Sabado, Nobyembre 14.
Gipahibalo ni Department of Foreign Affairs (DFA) Secretary Ma. Theresa Lazaro nga tungod niini, miabot na sa 65 ang kinatibuk-ang ihap sa mga mipirma sa maong kasabutan sa kalinaw nga naghandom sa ika-50 niini nga anibersaryo karong tuiga.
Ang maong kasabutan nagtumong sa pagpalig-on sa pagtinahuray, malinawong pagsulbad sa mga panagbangi, ug aktibong kooperasyon tali sa mga miyembrong nasud sa ASEAN ug sa ilang mga kaabag sa tibuok kalibotan.

