Nanawagan si Pope Leo XIV sa tibuok kalibutan, ilabi na sa mga Katoliko, nga dili magpadala sa kahadlok taliwala sa nagpadayong mga gubat sa nagkadaiyang dapit sa kalibutan.
Sa mensahe niini atol sa Easter Vigil Mass sa St. Peter’s Basilica, gihatagan sa Santo Papa og gibug-aton ang nagkagrabe nga tensyon sa mga nasud.
Sumala pa niini, dili angay tugutan ang mga kaugalingon nga maparalisa tungod kay ang kahadlok, kay ang kawalay pagsalig mao ang nagputol sa koneksyon sa matag usa pinaagi sa gubat.
Sa miaging semana, gipadayag sa santo papa nga isalikway sa Diyos ang mga pag-ampo sa mga lider nga nagpasiugda og kagubot.
Direkta usab kining mi-apelar niadtong Martes ngadto kang US President Donald Trump aron mangayo og “off-ramp” o usa ka paagi nga hingpit nang mahunong ang maong panagbangi.