Dili muminos sa dose-dosena ka mga indibidwal ang namatay human sa nahitabong pagbusikad sa amihanang (northern) Myanmar niining kagahapong adlawa, Dominggo.
Nahitabo ang maong insidente takna sa alas 12:00 sa udto kagahapon sa lungsod sa Namhkam.
Matud pa sa usa ka first responder sa distrito sa Namhkam sa estado sa Shan, niabot ngadto sa 46 ang nangamatay, lakip na ang mga bata, samtang kapin sa 70 usab ang nangasamdan.
Usa pa ka rescuer ang nagkanayon nga natala sa 59 ka tawo ang kinatibuk-ang gidaghanon sa mga nakabsan sa kinabuhi.
Gibutyag usab sa National Liberation Army (TNLA), usa ka iladong ethnic armed group sa nasud, nga ang maong pagbusikad nahitabo tungod sa “accidental detonation” kun aksidente sa mga nakatago nga pabuto nga gigamit para sa pagmina ug quarrying.
Wala pa matino ang gidaghanon sa mga biktima ang gipagawas sa maong grupo samtang nagpadayon pa ang imbestigasyon sa ensaktong rason sa insidente.