- Advertisement -
Gisugdan na ni Pope Leo XIV ang opisyal nga pagbisita sa nasud sa Spain.
Sa pakigpulong niini atubangan nila King Felipe VI ug Queen Letizia sa Royal Palace sa Madrid, gidayeg sa Santo Papa ang gobyerno tungod sa ilang pagkontra sa gubat ingon man ang ilang pagsuporta sa mga migrante.
Nagkanayon pa ang Santo Papa nga nahimong aktibo ang Spain sa pagpakaylap sa kalinaw alang sa katawhan.
- Advertisement -
Sa pito ka adlaw nga pagbisita sa Santo Papa, makigkita siya sa mga biktima sa sexual abuse sulod sa Simbahang Katoliko.
Lakip usab sa iyang agenda ang pagsusi sa kahimtang sa mga migrante nga mibalhin sa Spain. Kahinumdoman nga lakip si Spain Prime Minister Pedro Sanchez sa mga misupak sa pag-atake sa US ug Israel sa Iran.
- Advertisement -