Nagpadayon sa paghimo og ngalan sa kalibutanong entablado sa tennis ang Pinay star nga si Alex Eala.
Sa usa ka interview sa Australian Open, gibutyag sa 20-anyos nga atleta nga ang iyang semifinal finish sa 2025 Miami Open mao ang nagsilbing highlight sa iyang karera nga nagdala kaniya ngadto sa Top 100 sa unang higayon.
Tungod sa maong kalampusan, mas napalig-on ang tinguha ni Eala nga makahatag og inspirasyon ug makatabang sa pagpalambo pa sa maong dula.
Dugang pa niini nga Bisan pa man sa pressure nga dala sa iyang pagsaka ngadto sa World No. 31 ranking, giisip kini ni Eala nga usa ka garbo ug oportunidad samtang ginakab-ot ang iyang mga damgo.
Nakatutok karon ang atleta sa iyang kampanya karong 2026, diin nakalinya ang iyang pagsalmot sa BNP Paribas Open ug ang pagbalik sa Miami Open karong Marso.
Dugang pa nga tinguha ni Eala nga malabwan ang miaging record niini ug padayon nga gamiton ang plataporma aron makahatag og mas dakong epekto sa kalibutan sa tennis.