Pilipinas nakakuha og ₱56.3B nga pamuhunan ug 10,300 ka trabaho human sa Japan state visit ni Marcos Jr.

Nakakuha og dakong kantidad nga pamuhunan ang Pilipinas nga mokabat sa ₱56.3 bilyon ug kapin 10,300 ka trabaho human sa bag-ong state visit ni Pangulong Ferdinand Marcos Jr. sa Japan.

Sumala sa Department of Trade and Industry, giingon ni Secretary Cristina Roque nga nakigpulong ang Pilipinas sa upat ka dagkong kompanya sa Japan nga naglakip sa Furukawa Electric, Sumitomo Electric, MinebeaMitsumi, ug Tsuneishi Group, nga kasagaran adunay mga kasamtangang operasyon sa nasud.

Giila sa DTI nga ang maong mga investment commitments dili lang saad kay nagpadayag nga daghan niini nagsugod na sa ilang aktwal nga operasyon, nga gilauman makapalig-on sa trabaho ug ekonomiya sa Pilipinas.