Misaka na sa 10 ang ihap sa mga namatay sa pagkahugno sa building nga under construction sa Angeles City, Pampanga human makuha sa mga awtoridad ang usa pa ka patay’ng lawas niadtong Domingo, Mayo 31.
Padayon pa nga giila ang pagkatawo sa maong biktima.
Sa miaging mga retrieval operation, nakuha na ang ikawalo ug ikasiyam nga namatay mga alas-2:51 ug alas-3:43 sa hapon.
Laing lalaki nga biktima usab ang nakuha mga alas-7:42 sa buntag. Matod sa mga awtoridad, wala’y bisan usa sa tulo ka narekober nga biktima ang ilhanan sa dihang nakita ang ilang mga patay’ng lawas.
Nagpadayon pa ang retrieval operations gamit ang heavy equipment ug mano-mano nga pagkalot samtang maampingong gisusi sa mga rescuers ang posibleng uban pang mga biktima sa lugar.