Gidakop na sa mga otoridad ang mga kontratista nga sila Sarah Discaya ug Maria Roma Rimando tungod sa mga kasong korapsyon ug malversation of public funds may kalabotan sa giingong P96.5-milyon nga ghost flood control project sa probinsya sa Davao Occidental.
Si Discaya, tag-iya sa St. Timothy Construction, boluntaryong mitahan sa National Bureau of Investigation (NBI) pipila ka adlaw sa wala pa opisyal nga ipatuman ang warrant of arrest batok kaniya.
Human sa pormal nga proseso, gidala kini sa NBI detention facility sa Muntinlupa.Niadtong Huwebes sa gabii, gipahibalo ni Presidente Ferdinand “Bongbong” Marcos Jr. nga ang korte mipagawas na og warrant of arrest batok kang Discaya ug sa iyang mga kaubanan sa kasong korapsyon ug malversation kini human sa walay tinood nga implementasyon sa proyekto bisan pa sa dako nga pondo nga gigasto.
Lakip sa mga opisyal sa DPWH nga gikasohan mao sila:Rodrigo Larete, Michael Awa, Joel Lumogdang, Harold John Villaver, Jafael Faunillian, Josephine Valdez, Ranulfo Flores ug Czar Ryan Ubungen.