Gisuwayan sa usa ka pastor nga mapatud-an ang iyang kaisog pinaagi sa pagsundog sa istorya ni Moises sa Red Sea pinaagi sa pagtunga unta sa dagat.
Apan, imbes nga milagro ang mahitabo, gihampak siya sa kusog nga balud nga maoy nakapawala sa iyang balanse ug nakapatumba kaniya samtang nagdali siya og atras.
Ang pastor nga si Evans Eshun o mas nailhan isip “Ebo Noa” una nang nailhan tungod sa iyang propesiya mahitungod sa dakong baha ug sa paghimo niini og arko isip pagpangandam.
Sa viral video nga mikaylap sa social media, makita ang pastor nga naglakaw padulong sa baybayon samtang nagkupot og sungkod.
Mibaklay siya sa tubig hangtod sa hawak ug nag-alsa sa iyang kamot samtang naglitok og mga pulong nga gituohang pag-ampo o pagpanawag og milagro.
Gipalakpakan pa siya sa iyang mga supporters nga naglaom nga adunay talagsaong mahitabo.
Apan, wala matunga ang dagat ug nagpabilin kining normal, samtang ang maong insidente padayon nga gihisgutan ug gipaambit sa social media.
Ang maong insidente dali nga mikaylap sa social media ug nakahatag og nagkadaiyang reaksyon gikan sa mga netizens, diin adunay nangatawa, adunay natingala, ug adunay usab nga mihatag og ilang kaugalingong opinyon sa nahitabo.