Panagtigum sa US ug Iran, nagmalampuson; tensyon sa “nuclear” gilaumang mokunhod

Nagmalampuson ang gipahigayong panagtigum tali sa Estados Unidos (US) ug Iran didto sa Switzerland. Sumala ni Iranian Foreign Minister Abbas Araghchi, nagkauyon ang duha ka nasod sa mga “Guiding Principles” aron mapugngan ang pagsamot sa tensyon mahitungod sa isyu sa nuclear activities. Ang maong panag-istorya gipatigbabawan sa tabang sa nasod sa Oman nga nahimong mediator.

Gihimo ang maong tigum taliwala sa mga hulga sa militar sa US batok sa Iran human ang nahitabong madugoong pagdakop sa mga anti-government protesters ug ang gikatahong padayon nga pagpalambo sa Iran sa ilang nuclear weapons, butang nga hugot nga gihimakak sa nasod sa Iran.