UK ug France,  migahin sa $892-M Border Security Deal batok sa illegal migration

Mokabat sa  $892 million ang igahin sa United Kingdom alang sa France sulod sa tulo ka tuig aron masumpo ang ilegal nga paglawig sa mga migrante sa English Channel.

Ang maong pondo gamiton sa pagpakatap og 1,100 ka dugang seguridad, lakip na ang mga pulis ug sundalo, uban ang paggamit sa mga drone ug helicopter alang sa mas hugot nga pagbantay sa mga baybayon.

Giklaro sa UK nga ihatag lamang ang tibuok kantidad kon mapamatud-an nga epektibo ang maong mga lakang sa pagpakunhod sa mga ilegal nga motabok.

Sukad niadtong Hulyo 2024, ang hiniusang operasyon sa duha ka nasud nakapugong na sa kapin 42,000 ka mga tawo nga ningsulay sa pag-agi sa maong delikadong rota.