Subling gipasibya ni Senador Alan Peter Cayetano nga dili lehitimo ang planong pagdungog sa Senate Blue Ribbon Committee karong adlawa Hunyo 8, 2026, nga pasiugdahan matud pa ni Senador Erwin Tulfo.
Sumala ni Cayetano, “bogus” o peke, ug dili tinuod ang gihimong sesyon sa Gatchalian bloc niadtong Hunyo 3, diin gitudlo si Senador Sherwin Gatchalian isip Acting Senate President Pro Tempore ug gibag-o ang liderato sa pipila ka mga komite.
Gibarugan ni Senador Alan Peter Cayetano nga dili importante kon dili siya uyonan o dapigan sa pipila, basta magpatigbabaw ang kamatuoran ug ang Konstitusyon.
Matud sa senador, bisan pa og limitado ang iyang pagpabilin isip Senate President, tinguha niini matag adlaw nga barugan ang husto.
Gipunting usab niini nga dili kaaway ang Malacañang, kondili ang bakak ug ang mga tawong iyang gitawag nga “misukwahi sa mga panid sa Konstitusyon.”