Nagpasidaan si Senator-Judge Alan Peter Cayetano nga mahimong mosangpot sa mistrial ang impeachment trial ni Vice President Sara Duterte kung usbon ang voting threshold samtang nagpadayon ang pagdungog.
Matud ni Cayetano, kinahanglan magpabilin ang mga lagda nga gitakda sa pagsugod sa trial hangtod sa kataposan niini.
Giinsistir usab niini nga dili niya gusto nga mabasura ang mga nahimo nang trabaho ug proceedings sa Senate Impeachment Court tungod lamang sa pag-usab sa voting requirement.
Ubos sa kasamtangang ruling ni Presiding Officer Francis Escudero, gikinahanglan ang 16 ka boto aron ma-convict ang Bise Presidente, nga katumbas sa two-thirds sa 24 ka miyembro sa Senado.
Matud ni Cayetano, gitahod niya ang mga legal expert, apan gituohan niini nga ang mga constitutional question angay nga sulbaron sa Supreme Court.