Pag-apod-apod sa fuel subsidy sa Northern Mindanao, suspendido tungod sa kakulang sa budget

Gipadayag sa regional transport office nga posibleng lugwayan ang pagka-postpone sa paghatag sa fuel subsidy tungod sa kakulangon sa budget.

Apan matud ni Regional Director Alexes Joseph Bendijo sa Land Transportation Franchising and Regulatory Board – Region 10 nga padayon ang pag-apod-apod sa nahibilin nga subsidiya alang sa mga natanggong nga mga benepisyaryo.

Gipasabot usab niini nga kinahanglan pa hulaton ang budget alang sa maong programa.

Gani subay niini, gibutyag sa direktor nga kasamtangang gihunong una ang pag pagtagtag sa fuel subsidy gumikan sa kakulang sa pondo lang sa maong programa.