Ombudsman makigpulong sa French Authorities batok sa mga akusadong nagtago sa France

Mubyahe paingon sa France si Ombudsman Jesus Crispin Remulla aron makigsulti sa mga opisyal didto bahin sa mga tawo nga giingong nagtago sa maong nasud aron malikayan ang mga kaso sa Pilipinas.

Matud ni Ombudsman Remulla, gituohang anaa sa Paris si kanhi Representative Zaldy Co, nga giakusahan og graft nga may kalabotan sa anomalya sa mga flood control projects.

Gilauman usab niyang makigsulti sa French Ministry of Justice ug ubang otoridad aron dili mahimong tagoanan sa mga akusado ang France.