Gikwestyon sa prosecution ang paggamit sa confidential funds human mapamatud-an nga adunay mga ngalan sa acknowledgement receipts nga walay katugbang nga civil registry records, lakip ang mga menor de edad ug usa ka tawo nga dugay nang namatay sa wala pa ang mga transaksyon.
Matud ni Atty. Hez Montalan, Deputy spokesperson sa prosecution panel, importante ang testimonya sa PSA Assistant National Statistician Mariza Grande sa pagpakita nga dili lamang isolated irregularities ang nahitabo, kundili posible nga adunay sistematikong paggamit o manipulasyon sa confidential funds.
Gibutyag usab sa niini nga ang confidential funds gitumong matud pa alang sa pagkuha og intelligence information gikan sa mga informant, busa gikwestyon niini kung ngano nga mga ngalan sama kang Mary Grace Piatos ang makita sa mga acknowledgement receipts.
Dugang pa sa prosecution, andam silang mag-cross-examine kang Colonel Raymund Lachica kung kini mahimong testigo sa depensa.
Apan wala niini gipadayag ang eksaktong mga pangutana nga ilang giandam tungod bahin na kini sa trial strategy.
Sa pinakaimportanteng punto, gipangutana sa prosecution kung asa gyud napadulong ang confidential funds, giunsa kini paggamit, ug kung giunsa kini pagpatuman sa Office of the Vice President ug Department of Education.