Gipakumpirma ni Assistant Ombudsman Atty. Mico Clavano nga gipadad-an na sa preliminary investigation team og mando si kanhi House Speaker Martin Romualdez aron mosumite sa iyang counter-affidavit may kalabotan sa mga reklamong iyang giatubang.
Matud ni Clavano, adunay 15 ka adlaw si Romualdez sukad sa pagdawat sa maong kamanduan aron isumite ang iyang kontra-salaysay sa dili pa isumite ang mga reklamo alang sa resolusyon.
Nag-atubang si Romualdez og mga reklamong plunder, money laundering, ug uban pang kaso nga may kalabotan sa giingong korapsyon sa maanomalyang flood control projects.
Sumala pa ni Clavano, ang maong mando gipadala usab sa ubang mga respondents sa kaso, ug sa higayon nga makasumite na ang tanang partido sa ilang mga counter-affidavit, isumite na ang kaso alang sa resolusyon.