Gikondena sa North Atlantic Treaty Organization kon (NATO) ang labing bag-ong pag-atake sa Russia gamit ang mga suicide drone nga direktang miigo sa pipila ka mga pinuy-anan sa mga sibilyan sa Romania.
Ang maong makamatay nga insidente miresulta sa pag-ulbo usa ka dako nga sunog, diin gikatahong misangpot sa pag-angol sa labing menos duha ka tawo.
Nahitabo ang maong insidente sa lungsod sa Galați, usa ka estratehikong dapit nga nahimutang duol sa utlanan sa Ukraine.
Matud sa pamahayag sa NATO, ang gihimo sa Russia usa ka seryoso ug klarong paglapas sa soberanya sa usa ka nasud.
Gibutyag sa mga opisyal sa militar nga dili kini ang unang higayon nga nakasulod ang mga drone sa Russia sa kahanginan sa Romania, apan kini ang labing unang higayon nga miresulta kini sa pagkaangol sa mga inosenteng sibilyan ug dakong kadaot sa mga kabalayan, hinungdan nga mas gipahugtan pa ang seguridad sa tibuok utlanan sa alyansa.