Nation’s Girl Group BINI, nagpahigayon og send-off mass sa wala pa ang biyahe alang sa concert sa gawas sa nasud

Gipahigayon ang usa ka send-off Mass alang sa sikat nga Pinay girl group nga BINI isip pagpangandam sa ilang gikatakdang pagbiya paingon sa Estados Unidos.

Kini subay sa makasaysayanong pasundayag sa Coachella, ang giila nga kinadak-ang music festival sa tibuok kalibutan, nga gikatakda nga mahitabo karong Abril 10 hangtod 19.

Ang maong balaang misa gipangunahan ni Father Tito Caluag ug gitambungan usab sa mga kabanay ug minahal sa kinabuhi sa walo ka miyembro sa grupo aron mangayo og panalangin alang sa ilang luwas nga biyahe ug kalampusan sa entablado.

Gikataho nga sukad pa sa milabay nga mga adlaw, wala’y hunong ug hugot na ang gihimong ensayo sa mga miyembro aron maseguro nga world-class ang ipakita nga talento.