Gipadayag sa beauty queen ug TV personality nga si MJ Lastimosa, nga dismayado kini sa mga mambabalaod nga mitindog ug mipalakpak atol sa bahin sa State of the Nation Address (SONA) ni Pangulong Ferdinand Marcos Jr. diin gisaway ang korapsyon sa mga flood control projects.
Sa post ni Lastimosa sa iyang social media account, diin dili kini makatuo nga nag-standing ovation ang mga kongresista sa SONA kabahin sa na-abusong pondo sa flood control, ug nagpakaaron-ingnon nga wala sila naapil o natandog sa pasumbingay sa korapsyon.
Kahinumduman nga gibatikos ni Marcos Jr. sa iyang SONA niadtong Lunes ang mga korap nga opisyal nga nalambigit sa anomalya nga mga proyekto sa flood control, ug mibahad nga pasaka-an og kaso sa iyang administrasyon.
Samtang, nagpahayag usab og kabalaka ang aktres nga si Carla Abellana bahin sa kakulang sa transparency sa paggasto sa ₱13.8 milyon nga ayuda nga gihatag sa Estados Unidos alang sa mga biktima sa pagbaha sa Pilipinas.