Misaka na sa 35 ang namatay sa nasunog nga MV Jenny Aster sa Palawan

Misaka na sa 35 ang ihap sa patay’ng lawas nga narekober human masunog ang MV Jenny Aster sa kadagatan sa Coron, Palawan.

Matud ni Philippine Coast Guard spokesperson Commodore Noemi Cayabyab, nadiskobrehan ang mga lawas human napalong ang sunog sa barko.

Gidala ang mga patay sakay sa BRP Cape Engaño ngadto sa Burak Port sa Coron. Una nang lima ka lawas ang narekober, samtang 43 ang gikumpirmang naluwas.

Kahinumduman nga nasunog ang barko niadtong Miyerkules sa gabii, Setyembre 9.

Nagpadayon ang search and retrieval operations sa mga otoridad alang sa mga pasaherong gikatahong nawala.